Húsið er með þremur svefnherbergjum og tveimur baðherbergjum, ásamt þvottahúsi og stóru alrými með eldhúsi, borðstofu og stofu. Mikil lofthæð er í húsinu sem opnar rýmin og gerir þau stærri og bjartari. Húsið stendur á 4.8 hektara spildu sem nær niður að Ytri Rangá.
Húsið er með gólfhita sem stýrt er af mjög vönduðu varmadælukerfi frá Nibe og er því mun ódýrara að hita það en með hefðbundinni rafmagnskyndingu. Húsið er klætt með litaðri liggjandi furu og á þakinu er svokallað Dansk Dekken þakefni. Gluggar og hurðar eru ál/tré frá Idealcombi auk þess sem lagður hefur verið 130 fm sólpallur sem er yfirbyggður að hluta og með fallegu handriði úr hertu öryggisgleri með álklæddum stoðum.
Ef þú ert að leita af fallegu húsi á stórri spildu, í einstakri náttúru þar sem þú nýtur kyrrðar og fjarlægðar frá öðrum, þá er Heklusýn fyrir þig.